An Triail, Gníomh 2, Radharc 7

Target Language or Knowledge:

I é seo an radharc is truamhéalaí ar fad sa dráma. Le teann éadóchais maraíonn Máire í féin agus an leanbh a raibh an oiread sin grá aici di. Cé gur duine dílis, seasmhach, diongbháilte í, bhí sí chomh briste brúite sin ag fealltacht Phádraig gur chaill sí smacht uirthi féin ar fad. Ní fhéadfadh si maireachtáil a thuilleadh i ndomhan a bhí chomh cruálach sin. Ní raibh dóchas ar bith aici. Níor thig léi leanúint ar aghaidh. Ní hamháin sin, ní ligfeadh sí dá leanbh maireachtáil i ndomhan den chineál sin. Níor theastaigh uaithi go dtiocfadh sí faoi anáil na bhfear. Ní bheadh aon rud i ndán di ach brón agus briseadh croí. Níl dabht ar bith faoi chúis a báis — fealltacht na bhfear agus fimíneachas na sochaí. Ar ndóigh, chuir idirdhealú, cruas agus easpa carthanachta an phobail trí chéile leis an tragóid.